زي الحلم

إنتي زي الحلم واكتر

زي كل شئ مسكر

حتي ريحتك مسك عنبر

يا حبيبتي الله أكبر

ع الملايكه اللي ف عنيكي

والنسيم اللي ف إديكي

لسه واخدني وبفكر

وافتكر إني معاكي 

واملا صدري من هواكي

وان بيتي هوَ بيتك

وان حبك بين شفايفي

لسه بشرب منه واسكر

إنتي ..........

إنتي زي الحلم واكتر

زي كل شئ مسكر

حتى ريحتك مسك عنبر

                              يا حبيبتي الله أكبر

                                                شعر/ أيمن سراج الدين

عيـــــــــــــونك

على عيو نك 

 
بقول الله

وبلقى الحزن ينساني

وبنسى الآه

وفي عيونك

رسم قلبي / طريقه وتاه

ومش بلقاه . . على عيونك

على عيونك  ..  عيوني تنام

يروح خوفي من الأيام

وف عيونك .. بلاقي كلام

كلام بيقول على مهله

ما حدش غيري يفهمله

ومين غيري ح يعشق دمعة الأحلام

على عيونك

أخدت العمر مجدافي

و حبك ع المدى واقف

لا هو ظاهر ولا خافي

وخلص العمر من عمري

وبنده ليكي ياعمري

وراح صوتي 
               

  وحتى ف موتي   …..    ما قدرتش أموت مرتاح على عيونك                                       

ورق البسكوت

 

 

• حبيبتي بتلعب لسه بأوراق البسكوت
•  
• زي فراشه رقيقه ف أحضان الملكوت
•  
• عملت سفينتها اللي بتلمع ف خيوط الشمس
•  
• عملت خاتمين وغويشه و (ما شاء الله)
•  
• كانوا شكل الشبكه اللي ف ايدها
•  
• كانوا لون الدم اللي ملون حبات التوت
•  
• حبيبتي بتفتح بايديها الشباك في الفجر
•  
• وبترمي النوم اللي معشش ف عيونها السمر
•  
•  بتبص على الرايح والجي
•  
• وبتنشر ف هموم الحي
•  
• وانا تحت الشباك برد
•  
• حامل هم المشيان
•  
• لما  اوصل  للبيت  
• 
  
• ما اعرفش ح آ نام 
•  
• وللا ح اموت 
•  
• واما الصبح الأبيض قام 
•  
•  عدى على بلادنا 
•  
• ع البيت اللي محمل احزانه
•  
• فوق كتف الدكان  
•  
• كان وقت القوم 
•  
• فمشيت
•  
• بصيت ع الشباك الأخضر وبشاور 
•  
•  بصتلي 
•  
• ففتحت شفايفي عشان أضحك                                                                                                                                   ضحكتلي                                                                                                     فبكيت
•  

فصوص أالماظ 2 ***أيمن سراج الدين: ورق البسكوت

فصوص أالماظ 2 ***أيمن سراج الدين: ورق البسكوت

غنوه لمصر

مش مجرد إسم عادي

 داانتي إسمِك يا بلادي

زي ضي الشمس بادي

 نوره ف شهادة ميلادي

إسم شايل ألف قصه

رحله في قديم العصور

 كل قصه بطلها لسه  

صفحته بنُّور ونور

 نفتخر بيه يا حبيبه

 تكتبه أقلام ولادي

مش مجردإسم عادي

وامّا في الغربه البعيده

 قالوا ليّه يا مصري/جيت

وافتكرت انك بعيده

خطوتي تقلت بكيت

 إفتكرت الأهرامات

والغيطان والبوادي

مش مجرد إسم عادي

 الميم دي مجد من الأزل

والصاد دي صبر على المحن

 والره رجال وقت العمل

 يعني إسم مالوش تمن 

 مهما طال الليل يا مصر

بلقى إسمك نور قصادي 

                                   مش مجرد إسم عادي

بني آدميــــــــــن رخـــا م

إنطفت أنوار مدينتي
الكل نام
أمّا أنا
على فرشتي
وف أوضه ضلمه
ولّعت نور الحلم
ومليت مدينتي بالزحام
كان خوفي بس من المنام
 لادخل تابوت النوم وآنام
واصحى على صوت المنبه
                                  على وش بني آدميـــــــن رخام

ليــــــــــــــــــــــــــل

وليـل ورا ليـل
وحاجات كتيره بتندفن با لليل
وحاجات كتيره بتنزرع بالليل
وانا جوه ليلي
 إحساس يجيلي
 بإني وحدي ف كون فضا
                                     وما فيش دليل