وسنين بتجيب ف سنين
والناس زيّنا عايشين
فيه منهم ناس فاهمين
فيه منهم مش داريين
فيه منهم ناس واصلين
فيه منهم مش لاقيين
وانا وسط الناس بتأمل
وساعات اضحك واتجمّل
وانسى ان القلب حزين
وسنيين بتدور و تدور
والقلب مكان مهجور
كان فيه بستان وزهور
كان فيه جواه عصفور
كان مالي حياتي بنور
وبدون أسباب مااعرفشي
طار العصفور ولاعادشي
خلاّ ني أعيش مكسور
وانطفى من صدري النور
وانا وسط الناس بتأمل
وساعات اضحك واتجمّل
وانسى ان القلب حزين
شعر / أيمن سراج الدين
ليست هناك تعليقات:
إرسال تعليق