فردت ف أرضه فضفضتي
قفلت بيبانه على نفسي
وكان نفسي
سنين وسنين وانا عايش ف وسط الناس
وبتكلم وبتبسم
وبلبس بدلت الفرحان
وبتفنن في طرد الدمعه والأحزان
وبيكي الدنيا خضعتلي
شربت الحب ومسكّر
بريحة المسك والعنبر
بقيت حاسس باني آخيل
وهرقل
وراكب فوق حصان أسمر .. كما اسكندر
وآتاري الدنيا خلتني
أعيش الحب
عشان يبقى العذاب أكبر
يا حلم حلمته متفسّر
لاني البسمه ف عيوني
حضنها الدمع في النني
لاني خلاص ما نيش قا در
أعيش مع فرحه تألمني
لاني بقيت على الدنيا كما الأغراب
لا ليهم ناس ولا أوطان ولا أحباب
وماملكشي من العناويين
غير الحب اللي ف عنيكي
دخلت الحزن بارادتي
شعر/ أيمن سراج الدين
ليست هناك تعليقات:
إرسال تعليق