لسه الولاد ما شيه بتحلم
في الشوارع بالسما تديها حاجه
أي حاجه
رغم اللي ماتوا في الميدان
لسه الأمان بيخبي عنا دنيته
وبتظهر الأحلام غيام ف مخدته
والدمعه مشوار العيون الطيبه
لسه بهيه بحلمها ع المسطبه
أطفال حارتنا ف حجرها
منتبهه للصوت اللي طالع
بحكايات المحتاجين
بحكايات المحتاجين
كان صوت حزين
يشبه الشعب اللي شقيان في المصانع
والمصالح والمزارع والجبال
يشبه عيون العنكبوت
اللي بصت في البيوت
وشافتنا قافلين البيبان على حزننا
أصبح رخيص قوي حلمنا
بقى لقمه تشبع بقنا
وكام جنيه لا بيغنوا ولا يشبعوا من جوع
يا شعب يا موجوع
غصب عنهم ليك كيان
يا شعب يا موجوع لساك جعان
رغم اللي ماتوا في الميدان
رغم اللي ماتوا في الميدان
يا شعب يا طفحانه كانوا
كانوا كاتبينك غياب
مع انك في الاربع فصول الأربعه طول السنه
جوه مدرسة العذاب
يا شعب يا طفحانه هات
كانوا كاتبينك غياب
مع انك في الاربع فصول الأربعه طول السنه
جوه مدرسة العذاب
يا شعب يا طفحانه هات
هات من المخزون آهات
وهتافات
فتش في درج الذكريات
طلع السيف اللي يفصل بين دا حقي
وبين يا واخد حقي هات
يا شعب يا طفحانه كانوا
كانوا حاسبينلك تموت
قبضوا تمن السم لينا
موتوا الحلم ف عنينا
لجمونا بالغلا
لجل ما نحب السكوت
كتبونا أعلى مدوناتهم
شعب قايل للسقوط
بس في ايديك الخيوط
فوووووووت
وان كان ومكتوبلك تموت
يبقى موت
بس ما يكتبوش سطر ف حكايتك
وان كان ومكتوبلك تموت يبقى موت
موت وانتى طالع للسما بجناح ملايكه
ما تموتش قايل للسقوط
شعر/ أيمن سراج الدين
ليست هناك تعليقات:
إرسال تعليق