اللي ما بينا
اللي ما بينا
عايزين نسأل
كل اللي قابلينا عليه
فعلآ حب
وللا دا شئ
ما حدش أبدآ
يعرف فيه
اللي ما بينا شئ بيقيد
زي النور والنار والعيد
شئ له طعم مسكر خالص
طعم جديد
كل ما ناكل منه بيكبر
كل ما ناخد منه يزيد
ما سمعناش عنه ف أيامنا
ولا شوفناه حتى ف أحلامنا
يبقى دا ايه
أصل سألت كتير وما حدش قاللي دا ايه
أيوه انا وانتي حاسين بيه
لكن مش فاهمينه دا ايه
اللي يخللي القلب ف بعدك
يشعر انه يتيم من بعدك
وان الحزن بيقتل فيه
واللي يخللي الدنيا دي جنه
وان معايا اكتر ما اتمنى
لما بنشرب وبنسقيه
واللي يخللي اليوم بيعدي
لحظه بلحظه نفكر فيه
حب دا ايه اللي يخليني
أسهر ليلي بتبكي عنيه
واما بتلمس ايدي ايديكي
أفضل ساعه أبوس ف ايديّه
وارفض اني أسلم بيها
أي سلام ح يغير فيها
ريحتك اللي بتسكر فيه
يبقى دا ايه يا حبيبتي قوليلي انتي عليه
أصل سألت كتير وما حدش قاللي دا ايه
شاعر العامية المصرية *** أيمن سراج الد ين
ليست هناك تعليقات:
إرسال تعليق